周星馳經典電影歌百聽不厭 SENZA A Cappella扮鬼扮馬玩串燒歌
撰文：黃浩晉
出版：更新：
周星馳嘅電影陪住不少人成長，雖然星爺嘅作品都面世咗十幾廿年，但經典的確係經典，至今仍然有人可以將經典對白倒背如流。
「稟夫人，小人本住在蘇州嘅城邊，家中有屋又有田……」
「最緊要揸緊個信念，鬼都奈你唔何呀！」
「呢個實驗最緊要係記性」
「我當堂嚇一跳，然後就得啖笑」
以上對白大家睇到都即刻有畫面啦係咪？除咗經典對白，仲有經典電影歌曲都一樣深入民心，組合SENZA A Cappella於facebook出post，製作一段自編自導自演嘅《周星馳電影歌曲串燒》。話明係Acapella，所有樂器、和音、敲擊都係由人聲演繹，編曲仍然做得相當豐富，絕不要有單薄的感覺，實在值得欣賞。再講，做串燒歌要應付不同節奏、Key，真係少得實力都搞唔掂。SENZA A Cappella更落足心機扮鬼扮馬，重現星爺戲中不同角色造型，相信大家聽完都會有共嗚。
唔講咁多，依家去歌大家慢慢聽啦！
大家可以睇下佢哋嘅造型(點擊放大)