Idol Jr.九個小朋友做「流行組合」　專心唱歌靠導師出「絕招」？

正所謂「成名要趁早」，投身演藝圈當然也不例外。韓國有練習生制度，讓有志之士提早接受專業訓練，並且增加機會被星探相中。在香港雖然未有正式的練習生制度，但已有一個由9位小朋友組成的組合——Idol Jr.。
攝影：黃國立
Wardrobe： Hysteric @I.T
Shoes：marchaballerinahongkong
Location：Singing Square 香港流行歌唱訓練中心

Idol Jr.由9位小朋友組成，他們是：胡梓盈、林卓楠、陳芷澄、譚在行、楊棨甯、王苡蓁、關雋儒、區念錡及余紫瑩。Idol Jr.早前推出首支單曲《Imagine》，由Edward Chan、Cousin Fung及陳心遙操刀創作，陣容一點也不馬虎。

《Imagine》MV新鮮出爐，大家可以順手睇埋Idol Jr.嘅訪問片段！

Idol Jr.各成員平均年紀是10歲以下，但他們是以流行組合的身份出道，而非兒歌組合，所接受的歌唱訓練亦與普遍流行歌手無異。相信大家都會好奇，「用丹田」、「音準」、「台風」等等抽象的概念，即使成年人也未必一下子能夠明白，要小朋友吸收這些概念又有何竅門？為Idol Jr.的提供Training的Singing Square，找來導師之一的Hidy Lo為此向大家分享一些心得。

何謂「真聲」？
要小朋版學會用真聲，最簡單就是用生活例子作比喻。Hidy表示：「有時小朋友未搵到佢『真聲』，唱歌時聲線會比較扁，好多氣聲。我經常要佢哋想像叫同學『唔好跑呀！』做例子，當佢習慣咗呢個感覺，就要佢哋用呢個聲線唱落去，咁就會搵到所謂嘅『真聲』。」

如何練「音準」？
唱歌除了要找到「真聲」，「音準」亦非常重要，要讓小朋友明白自己唱對一個音又有何方法？Hidy表示：「旁人嘅幫忙好重要，有時候我哋會琴彈番佢需要唱嘅音出嚟，要小朋友去跟。同埋要佢哋習慣多聽，佢哋每一次唱歌都錄低，其實有時候佢哋自己都會話『咦！好似怪怪地喎！』之後再將一首歌嘅速度放慢，俾多啲空間佢哋去調節，就自然可以tune番啱。」

「耐性」才是王道
小朋友鍾意玩是常識吧！要小朋友時時刻刻都坐定定實在是「不可能的任務」，所以訓練小朋友時，導師的耐性非常重要。有時候一個小朋友亂唱，其他小朋友都會一窩蜂跟住玩，幸好Hidy一個口令就能令他們停下來。除此之外，要小朋友享受表演，自在地演唱都要諗諗計，Hidy有時候會關燈，令小朋友不用理會別人目光去演唱會，自然就學會享受舞台，「台風」亦會慢慢建立。