張學友世界巡迴「返娘家」作結 ：因為我係香港人
撰文：黃浩晉
出版：更新：
歌神張學友今日舉行《學友．經典-香港站．香港站．再見篇》記者會，正式宣佈於明年1月假紅館舉行一連15場香港站演唱會。整個《A CLASSIC TOUR》至今已完成191場，連同香港站的場數一起計算，整個巡迴將突破220場，再次打破紀錄。
歌神張學友終於返港，記招上宣佈於明年1月舉行15場演唱會。（梁碧玲攝）
選擇於香港舉行巡迴終點站，學友表示原因很簡單：「因為我係香港人，係一個香港歌手，全球樂迷、唱片行業，對我呢個身份係絕對認同。」他更表示：「雖然呢個Tour唔能夠喺香港開始，但希望喺香港完結。佢未必好完美，但希望係一個都圓滿嘅回憶。」他又表示自己將近花甲之年，但心裏想繼續前進，不會因今次巡迴而停下來。
學友表示作為香港人、香港歌手，選擇於香港作巡迴終點站會是一個圓滿的回憶。（梁碧玲攝）
今次記者會另一重點，宣佈是次演唱會門票不設售票處，市民需透過電話熱線、網上購票及流動應用程式這三個渠道購票。
購票詳情可參考以下連結：
學友接受訪問時，被問到不設售票處售票，是否避免早前劉德華演唱會排隊黨傷人事件？學友表示：「事件的確發生咗，而且的確存在一定風險；主辦同康文署開了幾次會，今次售票方法係康文署推薦同建議，覺得係最安全同埋出現最少問題嘅方法。」
學友表示演唱會不設街站售票，是康民署推薦最安全的做法。（梁碧玲攝）
另外又問到，學友被網民封為「罪惡剋星」，因為有數名疑犯在他觀看他演唱會時落網，學友對此稱號有何看法？他說：「作為表演者，無論你係咩人都多謝你嚟支持；但係每個人都要為自己做過嘅事負責，就算佢唔係喺我演唱會被捕，可能行街，去便利店都會被捕，所以要為自己行為負責。
記者會上，歌神都收到唔少別出心裁嘅大禮，仲有件「神褸」，Click入大圖即睇！
+5