Super Girls邀粉絲拍MV大玩「枕頭大戰」 Yanny：係一種交流方式
撰文：朱奕錦
出版：更新：
女子組合Super Girls相隔兩年再出新歌，早前有歌曲《閨蜜專用》，講述相識七年、成軍六年的姊妹情。而最近5位成員趙慧珊（Aka）、陳穎欣（Yanny）、李靜儀（Heidi）、蔡明思（Jessica）及吳嘉熙（Cheronna）又有新搞作，近日又推出另一隻新歌《睡衣派對》，日前5位成員齊齊以睡衣上陣，為新作拍攝MV。
拍攝當日，5位成員找來余潔滢等公司的師弟師妹，以及一班粉絲，一齊開「睡衣派對」，最後5位成員更上演一場「枕頭大戰」，難怪隊長Aka表示今次拍攝是寓工作於娛樂︰「我哋覺得好好玩，不但拍出來效果好靚，而且枕頭大戰，大家唔需要擺好靚post，只係好真實咁去玩，回應返呢首歌，可以做返自己。」
Super Girls齊齊以睡衣上陣，聯同公司師弟師妹以及一班fans拍攝新歌MV。
以往拍攝廣告時，Super Girls也有試過「枕頭大戰」，不過今次5位成員玩到忘形，羽毛四圍飛，搞到個個都成臉羽毛，Aka笑言︰「咁多羽毛四圍飛都係第一次，好靚，大家都食咗唔少羽毛，而且我哋拍攝時出汗，就黐到成頭成臉都係羽毛，但好玩嘅。」
5位成員首次玩到羽毛四圍飛，搞到成頭成臉都是羽毛，不過大家樂在其中。
Super Girls希望藉新歌帶出「要做一個舒服的自己，不能只以『衣著打扮』取人」，所以她們都穿上睡衣拍攝，而Yanny也坦言這是最舒服的一次。當問到在家中是否也喜歡穿睡衣時，Heidi同Jessica就表示喜愛不同的配搭，而Yanny更大爆Cheronna愛穿「國王的睡衣」，Cheronna則稱這樣無束縛最舒服。
幾位成員現場分享穿睡衣心得。
此外，5位成員今次還請來粉絲一起拍攝，她們直言平時同粉絲關係好close，以往也有粉絲參與她們的MV拍攝，Heidi還說這已經是第三次邀請粉絲參與︰「佢哋好支持我哋，每次拍攝都好乖好合作。」而Yanny也說︰「呢個係同粉絲嘅一種交流方式，好開心，好多謝佢哋。」
Super Girls不時都會邀請粉絲參與拍攝MV，相當錫粉絲啊。
+5