艾粒憶被魯芬抄牌介紹工作:我哋呢啲蝦仔都記得

撰文:陳奕熙
出版:更新:
艾粒下月會在澳門開騷。(陳奕熙攝)

DJ當奴和阿占合體出席商台團拜,惜日子剛好碰上魯芬BB離世,難免有傷心的感覺,艾粒直言與魯芬BB有過幾次見面的機會,最深刻的就是當年兩人主持TVB節目《逐格鬥》,魯芬BB是首集嘉賓:「嗰時佢叫我哋畀個電話嚟,話係大陸同澳門都有好多騷,可以搵埋我哋玩,佢好睇我哋啲細,我哋兩個對佢嚟講係小蝦仔,未必記得我哋。」兩人表示魯芬BB之後真的有為他們介紹工作,可惜檔期問題令合作告吹:「都幾唔開心,突然間兩個禮拜內發生,佢好熱情,佢係惡,但其實係知你覺得你佢惡所以扮惡,真係好專業。」

宇宙巡迴最尾一站

而艾粒在下月頭將會在首次在澳門開騷,於威尼斯人舉行《YO! 聖艾粒battle五行欠》宇宙巡迴-澳門站,話就話宇宙巡迴,不過其實巡到澳門就完,騷名只是純粹自抽,兩人更開玩笑說:「其實好多地方想我地去,我地堅持個Set要同香港一樣,我哋唔肯妥協,最尾搞唔成,澳門會做返啲香港做唔到嘅嘢,譬如我哋本身想玩拋膠波,用幾皮嘢買咗個大波波,但香港唔畀拋。」他們更表示今次的製作單位是為BIG BANG搞騷的同一公司,當奴更戲稱今次是自己入伍前的最後一次Talk Show。

Do姐與艾粒的《口水多過浪花》合作完結後,睇怕都冇咩機會再合作。(陳奕熙攝)

拍Viu TV節目 咁Do姐呢?

另外,今年合作15周年的兩人表示將會有一系列的慶祝計劃:「但就未計劃嘅。」不過暑假就會Viu TV有個飲食節目,教整「暗黑料理」,將和名廚徐蒝合作,去咗Viu TV咪冇得再同Do姐(鄭裕玲)合作?兩人表示:「日日都見到,日日都掛住佢,每次見到都話掛住佢嘅,寧願你哋掛住我哋合作,好過話『又係你哋啊?』。」