周柏豪演唱會尾場反高潮 邀「艾粒」上紅館唱最短的歌

撰文:陳奕熙
出版:更新:

周柏豪的《One Step Closer Pakho Live 2017》來到昨晚(30日)圓滿結束,第一場嘉賓是張智霖,第二場是許志安,尾場呢?估都估唔到,原來是「艾粒」的DJ當奴和阿占,柏豪表示每一場都會請一個幫過自己的朋友做嘉賓,不知艾粒同柏豪又有什麼淵源呢?

尾場的嘉賓是艾粒以一身西部牛仔裝亮相。(陳奕熙攝)
周柏豪話艾粒是帶他入行的恩人,更唱了他們最短的歌曲只有兩句歌詞。(陳奕熙攝)

柏豪解話表示:「阿占在我仲係長毛時搵我拍樂隊野仔的MV,嗰次係我入行第一次,冇佢我今日就上唔到呢個台到,係因為佢先識到我公司同老闆。」柏豪又講到自己有次聽到艾粒的歌覺得好有啟發,首歌叫《Silence is Good》,仲即場唱咗兩句,無錯就係兩句,因為首歌真係得兩句,柏豪笑言:「我一直好想做,終於上紅館唱咗最短嘅歌。」接著柏豪便落台,剩下艾粒兩人表演。

唔講唔知,原來冇阿占就冇柏豪。(陳奕熙攝)

艾粒向來是搞氣氛的高手,阿占笑言柏豪聽當奴作的歌會被矮人族咀咒,身型會「縮水」。兩人之後又唱了《大飲茶》,更講笑話艾粒同柏豪是同公司:「本來首歌係柏豪,但讓咗畀我哋......咩啫,我哋都係model嚟㗎,不過一個job都冇咋嘛!」爆笑全場。

艾粒更笑言自己和柏豪同公司只是沒有model工作。(陳奕熙攝)