【專訪】唱情歌為自我療傷 連詩雅:你喜歡嘅人永遠將你放最尾

撰文:許栢倫
出版:更新:

你的名字如何,你的日子也必如何?「連詩雅」總是容易惹起話題。
「入行七年睇慣咗,唔會再睇咁重,你阻止唔倒別人點睇,你係咪諗住唔再做歌手?唔係就要食得鹹魚抵得渴。」
「細個想得呢個音樂圈完美啲,入咗行你會發覺有苦自己知。」
攝影:黃國立

Shiga:「我覺得好多時取決於態度,好多事都係唔期望,達到時自然特別開心」

時下男女一旦有感情煩惱,不會再投信去「愛情信箱」,反而是與三五知己唱K慰藉自己,要宣洩感情,Shiga的歌曲必定榜上有名,《到此為止》﹑《只要和你在一起》﹑《為何要我愛上你》,以至近期的《不意外的意外》,總有一首情歌令你有感受。「情歌我真係好鍾意,唔會悶,可能我比較感情豐富吧」唱足7年情歌的Shiga,難道不會為結婚而焦急?「以前好希望30歲有自己家庭,但現在覺得不可強求,反而工作上想有轉變。」Shiga回應。

Shiga由早期的《到此為止》一炮而紅,仍記得當時走到哪裡都總會聽到別人播著「我再沒勇氣向你講舊時,沒有勇氣相愛另一次...」,這首歌帶給Shiga太多,可是過了幾年,似乎《到此為止》仍是她的代表作。她坦言:「《到此為止》冇人預料過,其實結果係好意料之外,我只係做好自己,咁啱將自己最深入的心聲分享,咁啱大家會特別留意呢首歌,係bonus。其實現在都係呢個心態。」

「過往一兩年時間,覺得自己有樽頸,突然今年覺得好有能量做每樣嘢,數字不是在於入行第7年,數字在於廿幾歲得返最後一兩年!雖然最近好多人都提起進入30的階段,我又唔會驚踏入30歲,但想30歲前做多啲嘢,咩都想做。」就是因為「咩都想做」,於是2017年Shiga又拍電影,又與側田計劃推出「愛情壞習慣三部曲」,把工作填得滿滿的。

連詩雅的朋友經常與她討論愛情。
有人話聽我首歌治療,我會覺得幾辛苦都值得,但同時都仲醫埋自己。

「唔知點解我身邊朋友鍾意搵我傾愛情」

Shiga情歌句句中Point,自然令人覺得她的愛情路好豐富,雖然她否認自己係「愛情專家」,但或許這個原因,總有身邊朋友向她訴苦,她承認:「過往大部分係自己經歷,歌手藝人入行耐,生活習慣會變得好常規,以前拍拖有受情傷,其實同一段感情都可以放落幾首不同的歌,但唔可以每次只講自己,所以會搜尋身邊人發生的故事」,Shiga情歌唱極都有貨,都是身邊發生的故事,難怪如此有代表性﹑有共鳴。

話雖如此,當問到哪一首歌最讓她難忘,她笑言:「都係《到此為止》,這首歌是最重我的故事,我以前男朋友的一封信,分手多年我都放唔低,但原來好多說話想同佢講,於是寫咗封信,填詞人林若寧將封信翻譯成中文成為歌詞,錄音時我一直在哭,就算錄完聽返都係哭,但唱第100次時,原來已經對那段感情釋懷了。」

連詩雅出道七年,不變的除了有感受的情歌風格外,當然就是她的身型。
+6

與側田的《不意外的意外》

2017年Shiga的音樂路有新發展,就是與側田合作,設計出「愛情壞習慣」三部曲,首部曲《不意外的意外》,「這不是我親身經歷,可能男士會有飲醉酒打電話畀人的習慣,男同事,加上側田和陳詠謙都覺得呢個故仔有趣,於是寫了飲醉酒發生的事情」。至於MV找來生面口的演員飾演,她又謂:「好多時一個歌手演故事,冇咁易有共鳴,始終係睇緊一個熟悉的人飾演角色,所以生面口會容易有共鳴,搵呢兩位演員較合適。」或許要表達故事裡的「意外」,MV成為Shiga出道以來尺度最大的作品。

雖然唱慣情歌,但今次卻充滿難度。「收到Demo時未編好,編到有少少R&B的味道,入面有好多長音和拖音,技術上都有困難,側田都畀左好多意見我,我試key同錄音佢都有來睇我。錄第一日時未編好,音樂較靜,聽自己把聲好清楚,我有些緊張,側田就即場錄和音,包住我把聲,我鍾意有和音伴住我。」

即使歌曲講述的不是自己的故事,但感情豐富的她,錄音時又想到自己的一段經歷,她說:「你喜歡嘅人,永遠都將你放最尾,直至冇人陪自己先諗起你,呢一樣我經歷過。鍾意嘅人,未必係相同地咁鍾意我,我永遠都係喺屋企人﹑朋友﹑娛樂的最後面,會有一種矛盾,不知所措」。

我選擇歌手藝人是終身職業,拍拖都會有七年之癢,每份工去到某個年資都會有樽頸位,如何永遠畀自己新鮮感呢?

要保持新鮮感,當然是要找到突破,上年Shiga在九展開了首個個人演唱會,演唱會她作出自彈自唱﹑跳舞等突破後,她坦言:「我學識好多嘢,原來演出感覺係咁正,其實我一向上台都會緊張,入行幾多年都係,但演唱會後,開始識得同觀眾互動,距離近咗,演唱會令我成長左唔少,畀到我成功感!」

入行多年,現在才懂得享受舞台,可是觀眾要再等多一會,才有機會欣賞她的「紅館演唱會」,至少2018年也未必成事,「入唔切紙了,唔係想就做到」,咁...唯有希望會有「不意外的意外」出現啦!

Shiga九展的演唱會,除自彈自唱有驚喜外,其中一個突破或許就是與柏豪的火辣演出。
+11

Make up:Vinci Tsang
Hair:Kate Shek@Hair Culture
Outfits:Michael Kors.