【一首歌】艾粒《無人完美》做返自己 「終會有同行知己」
撰文：彭嘉彬
出版：更新：
新一輪港姐早幾日又開始首輪面試，不論參選佳麗燕瘦環肥，行出嚟都一樣被評頭品足。或者成件事喺正式行上舞台前已經係一個騷，話題性往往都比一切重要，大家上網睇相有得笑之餘，又同朋友多個話題，嗰啲咩美貌與智慧並重就算啦，起碼有啲我最多都只能夠話佢有智慧同勇氣。不過老實說，我又的確好敬佩每年走出嚟選美嘅佳麗，因為要接受傳媒同網民嘅公審的確唔容易，我諗呢份勇氣都算係「美」嘅其中一環標準，就好似艾粒隻新歌《無人完美》所講咁。
《無人完美》是組合艾粒的新歌，亦是他們早前《艾粒拾伍年開光大典》的主題曲。由陳瑋洛作曲編曲，MastaMic監製，ilub親自填詞。歌曲以矮人靚人為主題，更以兩位成員自身來開玩笑，提醒無人完美，鼓勵一眾矮人靚人會員最緊要自信，「無人完美 做返自己 終會有同行知己」