禽流感再現　市民恐端午無活雞食　雞販料生意跌一半

屯門仁愛街市一個活家禽檔的糞便樣本，驗出含H7N9禽流感病毒，當局宣布全港停售活雞。今早（5日）不少市民到街市買雞才得知「無雞賣」，敗興而歸。有雞販指，臨近端午節才爆出禽流感，料生意額下跌一半，近日會「提早收檔」。

九龍城街市的三個雞檔受停活雞影響，生意近乎「拍烏蠅」。雞檔檔主玲姐指，昨晚看新聞才知停售活雞，希望能在端午節前夕恢復供應，「好多人都鍾意食新鮮雞，就算有冰鮮雞都唔會買，依家就算有雞蛋賣，生意都係好差。」她說昨午5時，約80隻「隔夜雞」全部售罊，而40隻冰鮮雞存貨，今早才賣出8隻。

不少市民今早到街市買雞煮飯，惟到場後才從檔主口中得知停售活雞，失望而回。住石硤尾的陳太，原本想買活雞燉補品，為坐月的女兒補身，現時只能退而求其次：「只能買冰鮮雞頂住先，希望快些恢復供應，我都會有信心買。」

住九龍城的黎太每周都會買雞食，數日前亦已訂活雞，「兒子放假，原本想買雞煲湯飲，依家無雞賣有少少失望。」而黃太則說，昨晚已知停售活雞，今早來碰運氣買隔夜雞，「早知噚日就來買雞，唔使搞到依家一隻雞都冇得買」。