前亞姐冠軍雪瑤晉身歌唱決賽 有信心赢比賽︰冇台風都睇得
撰文：蘇國豪
出版：更新：
今（16日）在亞洲電視大樓舉行的《第一屆夢之聲歌唱比賽》，吸引不少觀眾捧場，非常熱鬧。而前亞姐香港賽區冠軍雪瑤更是從500名海選者脫穎而出成為今日進入決賽的12名參賽者之一，在接受《香港01》訪問時，她就表示有信心赢比賽。
雪瑤樣子甜美。（陳順禎攝）
雪瑤有信心赢比賽。（陳順禎攝）
雪瑤樣子甜美，身材高挑，相當有星味。在接受訪問時問到成為12強之一感受，她就表示：「唱歌練習咗好耐，之前都有出過自己嘅歌，（國語定廣東話？）國語同埋廣東話歌都有，（EP定係專輯？）單曲，係我自己嘅創作歌曲，自己寫歌詞。 」相當有才華。
雪瑤曾推出單曲作品。（陳順禎攝）
而是次她將演唱G.E.M .的《喜歡你》 同陳慧琳的《花花宇宙》，問到有沒有信心時，她就二話不說：「有嘅，因為我有台風啦，就算冇台風都睇得吓。（點解唔性感打扮？）因為始終有啲Office嘅工作，我係做建築公司嘅。（除咗辦公室工作都會做幕前？）都會兼顧幕前工作，有時有啲商演。（依家係咪想做埋歌星？）係呀！同埋都想拍一啲電影。」
雪瑤是亞洲小姐香港賽區冠軍。（陳順禎）