Ben Sir開騷講不文爛Gag 玩直播問答谷Big Big Channel

撰文:
最後更新日期:

歐陽偉豪(Ben Sir)於Star Hall舉行「Ben Sir開Show」,為了力谷Tvb新App Big Big Channel,據知今次開騷期間會有用App直播的問答部分,現場為了提高大家參與度,連Wifi都準備好,等大家隨時下載個App。

從後面入場都幾型,上到台仲扮韓迷。(梁碧玲攝)

開場時Ben Sir破天荒在後面出場,由尾行到台上,再唱一首《浪子心聲》,Ben Sir笑言自己的節目出街後,大家對拍掌多了新的定義,更即場同大家為拍掌重新定義:「一下掌聲係我Dee,二下掌聲係好倫柒,五下掌聲係抵你老母威。」

Ben Sir又即場分享騷名的來頭:「我中文老師開騷個騷得一個中文字,大家見到咩字啊?我第一下就見到門,咁門入面加咩,加口字,係個問字,或者加單字,夠獨立單一嘅單,即係闡字,都係唔好,不如加方向,東南西北入面最開心個開字啦。」

Ben Sir笑言自己咁寸都係為觀眾好:「所有嘢加咗為你就好唔同,好似依家選美成日話有啲咁嘅樣嘅人出嚟選,其實都係為咗你,冇我依啲咁嘅樣嘅人,點顯得你照鏡時增強自信心。」

抽完Tvb水就抽政府水,問問現場有冇小朋友,今晚講的內容有機會不適合小朋友聽,因為之前出書已經有本要包書(18禁書籍要入膠袋),笑言唔知現場會唔會有政府部門的Hidden agenda :「我點知政府部門會唔會派人落嚟假扮觀眾裝我㗎?」

Ben Sir表示:「依個騷最危險就係講粵語,依家有粵語癌,啲家長要將粵語癌切切切除,外國叫做有學名叫ABC,anything but Cantonese...依家啲屋企唔畀講粵語。」

Ben Sir笑言:「黃子華飲嘢有掌聲㗎喎!」(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。