由MIRROR成員主演嘅電影《12怪盜》將在本月底上映，成員到時亦會出動謝票。昨日有消息指首映禮將在本月27日在太古城中心舉行，唔少鏡粉即時蜂擁到商場門外霸頭位。現場所見，已有人貼上「《12怪盜》首映隊頭」字句，而跟緊係一張又張嘅便攜式摺凳，每張凳上都貼有一張A4紙，上面寫有人名及人數，情況頗為壯觀；而商場亦架起欄杆，方便鏡粉霸位。今早唔少市民路經時，都有停下來欣賞呢個奇景。