《啪啪聲太好聽》換血 梁梓禧阿旦搵真銀talk騷要延期

撰文:
最後更新日期:

梁梓禧和阿旦日前為talk show拍攝海報,據聞會有一輯超激性感造型照遲啲有得睇。

阿旦facebook透露了少少性感海報的玄機,但她說還有更大膽的未公布得住。

由梁梓禧(Roland)及鄧洢玲(阿旦)主持的性話題節目《啪啪聲太好聽》即將換監製,兩個主持做到8月6日亦會隨之被飛,但據知Roland同阿旦早在1個月前已plan好合作搞talk show搵真銀,點知被out即時陣腳大亂,talk show被逼延期舉行。

《啪啪聲》大膽以性做話題,是ViuTV有收視有口碑的節目之一,而早在監製離巢之前,有主辦商主動找Roland同阿旦合作搞talk show,題材當然都係講性,預計7月28、29日開騷,但由於兩人都不是ViuTV合約藝人,故此出外搵真銀一事並無通知ViuTV。

隨著監製鄭寶榮(綠圈)離開ViuTV過檔Big Big Channel,《啪啪聲》將會轉監製及全新形式見觀眾。

點知《啪啪聲》轉監製之後,新監製阿花決定大改革,Roland同阿旦冇得留低,換入卓韻芝、彭浩翔和專家Dickson,連節目形式都大改。過往會請專家探討每個性話題,而新形式則只靠3個主持齋吹;日前梁梓禧就在facebook貼文:「集集節目keep住有足夠research,又有專家分析,節目開心講sex得嚟,整體品味平衡得適宜。絕對唔係齋吹水冇營養講完就算既(嘅)talk show lor。」似乎希望節目有養份多啲!

梁梓禧在《啪啪聲》訪問性工作者和PTGF備受好評,但新一輯將變成齋講模式,難怪Roland都擔心質素下跌。

而他們錄影的節目將會播到8月6日,Roland接受《香港01》訪問時表示連talk show都要延期:「本來定咗場喺7月28、29兩日開騷,但變咗好接近我哋節目最後出街嗰日,我哋唔想有個錯覺,好似節目一完就開售票talk show,好似同電視台打對台咁,我哋都尊重ViuTV,所以考慮過之後決定延期一個月至開騷囉。」他說與ViuTV關係良好,為免不必要的誤會,延期是適當的做法。

阿旦仍會繼續主持《體育係》。

日前Roland舉行生日派對有多名粉絲參加,令他對開騷搵真銀充滿信心。

星期三他與阿旦為talk show拍攝宣傳照,阿旦在拍攝期間也對《香港01》表示覺得可惜:「呢個節目令我學咗好多嘢,觀眾又接受,有啲唔捨得!」但她說《啪啪聲》的酬勞並不高,所以很高興能夠開talk show搵真銀,不過延期可能影響票房也唯有咁做!

連Roland都話好耐冇見自己名字嘅燈牌,好難以置信咁話。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。