警聲百二秒II｜張穎康飾演賊王遭真飛虎隊撳地制服意外撞傷面
撰文：吳子生
出版：更新：
張穎康和阮嘉敏（Mandy)今日（25/3）現身西貢為無綫節目《警聲百二秒II》開工。張穎康透露今次和Mandy飾演賊公賊婆，劇情講述二人遭到飛虎隊逮捕，過程驚險：「今次呢個劇情係濃縮版，講飛虎隊點樣去制服一啲嘅悍匪，變咗今次我係俾佢哋制服，我係完全反抗唔到，埋位前我同阿Sir講，一陣制服我嘅時候用5成力就夠，點之拍完第一次，我話可以用3成力，點知都係唔得，我要佢再減啲力度。可能咁啱制服我嗰位阿Sir佢係武術高手，加上佢未拍過戲，力度上面未識就。（見你塊面紅腫咗？）其實自己又衰嘅，袋埋部電話喺褲袋，到我一趴落地，怕撞爆部電話，就用塊面落咗地先，所以就搞成咁。」
張穎康和阮嘉敏飾演賊公賊婆。（吳子生攝）
Mandy接著說：「張穎康佢好專業，呢場戲真係拍得好真，連監製都話要畀多啲今次大頭佢，仲話保證會出。仲有頭先我同佢玩緊電話期間，突然聽到兩下好大聲嘅槍聲，我係嚇到捉住咗佢個大髀，我係無預計到今次拍係會出動到墳場，今次真係不惜工本。」
張穎康拍攝動作場口不慎撞傷面部。（吳子生攝）