【娛樂回歸20周年】選97年卡通 朱千雪歐鎧淳最愛《美少女戰士》
撰文：溫菁莉
出版：更新：
1997年你幾多歲？實不相瞞小記當年才6歲，除了具有歷史性回歸一刻，我只係記得我升小學一年級咋！查實當年仲有好多卡通片陪着大家成長，你又記得幾多套呢？ 97年曾播過《四驅兄弟》、《櫻桃小丸子》、《外星毛查查》、《美少女戰士》同《咕嚕咕嚕魔法陣》。小朋友一放學真係衝返屋企開電視睇《櫻桃小丸子》，睇完先至肯做功課！原來一班藝人都係佢哋嘅die hard fans，仲識講佢哋嘅口頭禪添！
朱千雪
《美少女戰士》
千雪BB透露自己當年經常會租錄影帶回家看，「我最喜歡Sailor Jupiter，因為Sailor Moon是金髮，而我是中國人不太似。Sailor Mercury是短頭髮形象好似太過男仔，所以我最愛的角色是Sailor Jupiter。 」
簡淑兒
《美少女戰士》
家中排第4嘅簡淑兒(Jessica）透露自己最喜歡水野亞美，「因為我小時候係短頭髮，而我又好鍾意藍色，所以就好鍾意佢。「Jessica話最搞笑係家中3位姐姐一人鍾意一個美少女戰士，而姐姐們早前更有意買全輯DVD懷念下，「之後發覺有太多唔同版本，價錢好貴，唯有靠重播睇返。」
歐鎧淳
《美少女戰士》
歐鎧淳(Stephanie)就話受表姐影響所以就愛上咗《美少女戰士》，瘋狂程度要買碟返屋企睇，「因為我放學嗰陣已經做完，所以表姐就上網買碟返黎繼續煲。」
樂瞳
《咕嚕咕嚕魔法陣》
但每個女仔都鍾意《美少女戰士》的時候佢話最鍾意《咕嚕咕嚕魔法陣》，但只記得入面唯一個角色就是吉他他老伯，「其實我只係記得結他他老伯出黎跳舞同埋嘅兩位主角要搞魔法陣，但完全唔記得嗰兩位主角嘅名，相信大家都係咁。」 吉他他老伯雖然是配角，樂瞳大讚呢位配角好突出！
《美少女戰士》你最鍾意邊個角色呢?(左一)Sailor Moon、Sailor Mercury、Sailor Mars、Sailor Venus及Sailor Jupiter。(網上圖片)
其實《咕嚕咕嚕魔法陣》當年都好hit㗎，而（左一）結他他老伯好似仲紅過隔離兩位主角仁傑同歌莉。（網上圖片）