張學友大女張瑤華(Zoe)，日前就被報導指與外籍男同學Mathis「疑似」拍拖，剛在內地太原完成演唱會回港嘅學友下午就現身機場，就為囡囡嘅緋聞作出澄清。學友指雖然囡囡下個月就踏入17歲，知道她暫時未有計畫拍拖，而學友認為如果有拍嘅話都不是大問題，只是希望不要影響學業。其後澄清囡囡現時是單身，Mathis只是另一間學校嘅學生，同囡囡關係亦不太熟悉。至於接唔接受到未來女婿係外國人？學友笑言，「理唔到咁多。」

他表示囡囡曾因被媒體大造話題而感到唔開心，又解釋從細到大讀國際學校嘅女兒️，身邊同學都是外國人，作風有時亦會較洋化，對於較保守嘅香港可能會有文化差別。學友指太太羅美薇十分理解事件，並希望媒體可以讓藝人下一代健康正常成長，他直言若果成長過程不太正常地成長，會擔心她們日後嘅價值觀及判斷力，除非佢好想做娛樂圈啦，等佢知做娛樂圈壓力好大。

至於會唔會教囡囡揀男友？學友指囡囡會有分數。咁洗唔洗帶返屋企過目？學友就笑言亦唔洗俾自己過目，通知一聲就可以了。學友仲話會用男仔同過來人嘅身份俾意見。提到仲有一年完成中學課程嘅囡囡，之後會否考慮到外國升學？學友指有曾經討論過，但會讓她自行選擇，又認為未必要讀外國名校先先係叻或對社會有貢獻，身為父母會配合囡囡。