12怪盜｜Edan孖Dee扮保安入場謝票 ：我哋蒙騙咗好多fans
撰文：鄺鈺瑩
出版：更新：
《12怪盜》沙田謝票小分隊有「華安」！而向來十分重視愚人節嘅Edan ，仲拉埋Dee(何啟華）一齊以保安look出場，連佢自己都話呢身打扮可遇不可求。電影票房達1200萬，Edan表示連續多日謝票，完全感受到fans嘅愛。「你哋係不論咩作品都會支持，所以我哋會繼續努力，做多啲好作品。」Dee哥讚好《12怪盜》之餘，亦不忘為今日推出新歌MV嘅Edan 宣傳。
Edan 同Dee嘅「華安」小分隊今日一齊謝票，更換上保安製服。（鄺鈺瑩攝）
首次出現喺《12怪盜》謝票小分隊嘅Dee哥，表示十分過癮，大讚今日嘅造型無得輸，又透露佢哋護送Jer 離場時，連粉絲都唔察覺，十分好笑。
「華安」連同真保安一齊入場。（鄺鈺瑩攝）
講到妹妹小如豬近期勤力健身下，成功瘦身後被指同千年一遇嘅日本女星橋本環奈有幾分相似，向來「妹控」嘅Edan就大讚小如豬「梗係靚啦」