林穎嫺推新書密密有新搞作 否認為復出鋪路：從來都冇講過話退出
撰文：吳子生
出版：更新：
前「開心少女組」87年港姐季軍林穎嫺（Wing）息影移民洛杉磯多年，婚後跟美籍丈夫育有三名子女。今日（26/4）Wing現身柴灣為新書「如何活出燦爛人生」新書舉行簽名會。
林穎嫺新書「如何活出燦爛人生」今日面世。（陳順禎攝）
Wing接受《香港01》訪問時表示：「其實呢本書我籌備咗30年，因為本書嘅內容都係講我嘅成長過去經歷，但真正動筆去寫就用咗兩個月嘅時間，我好想將呢本書留畀我小朋友、網友同朋友睇。嚟近書展，我老公同小朋友都會趁住暑假嚟到香港支持我。（近來在香港比較活躍，是否為復出鋪路？）哈哈，其實我從來都冇講過話退出㗎，不過家庭就第一，之前小朋友年紀仲細，想我喺佢哋身邊，而家佢哋都大個，咁所以而家可以做返自己想做嘅嘢。（無綫有冇搵拍劇？）呢啲慢慢安排，呢啲我就未知，但暫時我做啲好想做嘅嘢先，就係做寫作，因為我係好鍾意寫作，之前我寫育兒，而呢本係我第二本書，就寫關於我自己嘅，當中內容好有養份，係一本天書嚟。」
林穎嫺表示從來未退出娛樂圈。（陳順禎攝）