【港姐2017】12候選港姐集體去扮靚 張寶欣坐足4粒鐘有咩分別?

撰文:
最後更新日期:

攝影:溫菁莉

kelly話自己嘅髮型無咩點整過!(溫菁莉攝)

壓軸登場嘅Boanne就因為頭髮上唔到色所以花大半日時間。

港姐經過兩輪面試,終於有12位佳麗入圍,今日一班佳麗就先嚟個大變身,到又一城set返靚髮型,以最佳造型備戰。下午一時,陸續有佳麗成功變身,做訪問嘅時候大部份都一句起兩句止。

所謂的「新髮型」,似乎剪前剪後都沒有太大分別,有最大變化一定是原本是留長髮嘅Suki及Nicole,她們就以爽朗短髮示人並齊齊表示,「出嚟效果幾好,好滿意。」率先整完嘅是Kelly,但所謂的「新髮型」相比起首兩輪面試都沒有太大分別,連佢自己都話無咩點整過,但相信長髮造型最襯佢!而同樣由長變短嘅sandy,問到會唔會唔捨得?她透露,「以前都試過剪短髮,所以都ok好滿意。」下午4時,最後壓軸出場的就是上屆奪得友誼小姐的張寶兒妹妹張寶欣(Boanne),過去兩次面試都係梳起頭髮嘅佢,今次整頭髮就花了大半日時間,Boanne一見到傳媒就講「唔好意思,要你地等咁耐,」其後就表示因為頭髮上唔到色,「我之前染深咗所以要染咗幾次先整咁耐,因為髮型師好高要求。」問到點解可以優待整兩次?她就未有回應。

深受網友喜愛嘅17歲佳麗Mandy,雖然同首兩輪面試好似無咩變化,但佢表示有拉直。(溫菁莉攝)

現場最搞笑一定係佳麗angela出咗salon門口先被傳媒發現,當然是及時攔截,至於被問到點樣備戰?電了頭髮嘅Angela就指,「食少啲嘢。」其後再問對自己最滿意邊部份,佢就無厘頭表示,「我整完頭髮就走啦!」

同樣剪短頭髮嘅nicole話好滿意,但表情就好似唔多開心咁!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。