【賭城群英會】眼鏡娘文凱玲捱足7年 15歲做兼職:喺天橋派傳單

撰文:
最後更新日期:

《賭城群英會》昨晚有場泳衣戲,高海寧當然搶鏡,但文凱玲亦有不少人俾like。

《賭城群英會》除了高海寧三點式搶鏡,劇中飾演小南的文凱玲表現亦令網友留意,說起文凱玲第一時間想到《鴨王2》,那場口含雪茄戲,印象太難忘,由2012年《喜愛夜蒲II》開始,到這次《賭城群英會》,文凱玲全部性感上陣,加上王晶是她的經理人,晶女郎令人有無限聯想。但文凱玲原來是香港大學心理學系畢業,更是一名很顧家的孝順女,她接受《香港01》訪問時說:「我爸爸做地盤,因為我有一個細佬同妹,變咗媽咪照顧3個人都好吃力,所以我15歲就出嚟做兼職,第一份工係派傳單,喺火車站天橋派,之後又做過哈迪斯收銀,賣sim卡、水吧、地產等等……我都做過,零用錢要自己搵先有。」

文凱玲劇中飾演宅女,亦經常戴眼鏡,成為網友新寵。

2010年當時文凱玲27歲為空姐,她參加香港小姐,最後落選,當年冠軍為陳庭欣、亞軍張秀文,她落選後翌日即開工,她要搏命搵錢,因為她是家中的經濟支柱之一,她說:「屋企除咗我之外,其餘都要爸爸養,我係大女自然會想幫下屋企,當時其實空姐如果肯加班都幾好搵,都有3至4萬,但我都俾一半以上屋企,同埋好多我都會儲起佢,以避不時之需。」儲錢應付不時之需,不是用來買限量版名牌手袋,而是留給家人,據知她的家人試過中風,亦過做手術,每次文凱玲都有幫手,但文凱玲不欲多提起,但她心明有錢傍身的重要,到現在都是一名非常慳家女。

文凱玲每套電影都會和家人一齊睇,唯獨《鴨王2》家人就沒有一齊睇。

文凱玲雖然是孝順女,但是晶女郎在網友心目中等同原罪,提起王晶、女演員,網友的留言一定辛辣,不過她沒有介意,家人亦十分支持,她說:「除咗《鴨王2》之外,我屋企人全部同我一齊睇哂,爸爸媽媽由細到大好支持我,我記得《唐伯虎衝上雲霄》有一幕我係好清楚見到我背面嘅下半身啦,我都有望下我老豆有咩反應,但佢又無嘢喎,我先放心,佢哋同我講,呢個係我嘅人生,我應該自己做決定,媽咪會擔心我而家單身,但又咁性感,會唔會無人要㗎。亦會驚我太大壓力。」

晶女郎永遠令網友有好多聯想,不過文凱玲就表示當年簽約王晶,他亦說明會有給人亂寫的壓力。

文凱玲當年港姐落選後並沒有簽約,因為那時樂小姐就勸她出外發展,更對她說在無綫要等10年才有機會上一線,文凱玲很感謝當日樂小姐的坦白,她說:「佢係好老實咁同我講,我覺得係好事,佢可以氹我簽咗先,話大把嘢做㗎,但佢真係有為我諗囉,而諗返起當日簽唔到無綫,都以為自己再冇機會,嗰陣都好失落,咁亦都好彩之後有機會拍電影,亦做過女主角。」文凱玲拍過《鴨王2》三級片(其實因為結局太暴力才三級),加上王晶,令她有不少壓力,她說:「而家啲留言好咗好多㗎喇,嘩,以前真係……哈哈,我覺得有人鬧,好過冇人理你喎,同埋如果有努力,相信大家會見到,簽約晶哥前都有講,一定會被人寫,不過呢啲都唔係新聞,我當年32歲都有人夠膽簽?我仲有咩好驚呢?」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。