鍾舒漫兼做YouTuber 新片自導自演自嘲「天生麗黑」
撰文：許育民
出版：更新：
話順應潮流好，受廣告影響都好，減肥同美白似乎係女生們要長期作戰的戰場，無論係肥咗一磅定黑咗一點，心情同知道宋仲基結婚一樣灰。
曬黑咗少少都咁，如果係天生「麗黑」又點呢？鍾舒漫（Sherman）就係自然黑肌的代表，年終都不知受到幾多不平等待遇同嘲諷的眼光，但日前，Sherman實行被人笑不如先笑自己的精神，拍片勁數黑肌膚女生的5種遭遇。
片中Sherman冇顧形象可言，不時發出反白眼攻勢。（影片截圖）
自出道以來，鍾舒漫（Sherman）因為膚色偏黑關係，不時都被人指行「黑妹」風，期間都遇到不少尷尬遭遇。事實上，佢自己都唔想，只係天生膚色就係咁有型格，不過畀人笑得多，Sherman都養成一種免疫力，再笑佢都唔怕，今次仲自己拍埋片自嘲一番，細數黑肌膚女生的5種遭遇，包括問人借親化妝品都唔啱用、經常被人誤會黑面沒禮貌、影相永遠黑到得番棚牙等等……全部都有苦自己知。
為了拍片，Sherman還邀請同事客串演出。（影片截圖）
其實自妹妹鍾舒祺回港發展後，兩姊妹就開始拍片這個嗜好，Sherman說︰「通常都是妹妹度橋，我負責去拍同剪輯，其實都唔算係我的興趣，但都算是另一種表達自己的方式，可以剪出屬於自己的Style，這是叫人剪都未必剪到的。」
其實呢幾幕都幾好笑，有機會做潛力圖。（影片截圖）
不過Sherman拍片另一目的，就係想畀人知自己其實一點都不嚴肅。Sherman說︰「可能又關黑膚色事，一唔笑就畀人話黑面，好正經，其實我真係唔嚴肅的，玩起來都可以好低低能能好無聊。現在多了拍片渠道，可以盡情去表達自己。」那麼成日畀人笑黑，又有冇介意過？「都笑到無所謂，到而家間中都有朋友笑下我，只要不是中傷就可以，況且我有時覺得，黑都可以好靚好有型啊！」