【食花生】王者榮耀被監管冇得玩? Rose Ma:我覺得係好事

撰文:
最後更新日期:

《王者榮耀》玩家有2億人,即係一人一日使出$1,佢都單日都賺2億。(王者榮耀官網)

早幾日大陸人民日報點名批評話《王者榮耀》荼毒青少年喎。之後政府更加推出針對遊戲推出咗個防沉迷系統。顧名思義就是防青少年沉迷遊戲,包括青少年要實名制,每晚9點後不可以登錄,每日只可以玩2小時等等。但係一日玩2個鐘邊會夠先得㗎,玩facebook (sorry大陸冇facebook)微博Wechat都唔止啦,係咪?

Rose Ma話最新就係《Fight League》,唔知入面見唔見到佢呢? (林迅景攝)

相比起中國大陸的狀況,香港呢邊就輕鬆得多。電腦遊戲、PS4、手機遊戲、Wii等幾乎每人都有玩其中一樣。而在人人都有智能手機的社會下,手機遊戲就更加普及。在香港,網路上有人認為這個制度只是「治標不治本」,也有「花生友」認為大陸政府係「故意做低騰訊個股價」。

達哥話唔評論人哋隻game喎。。。 (林迅景攝)

作為一個職業玩家,其實Rose Ma都同大家一樣成日打機:「好老實講我都幾沉迷㗎。我打機時間一定多過達哥啦,基本上我一得閒就玩。多數都係玩《王者戰爭》啦,《王者榮耀》、《傳說對決》,宜家最新玩嘅就係《交鋒聯盟》,所以我都算係機不離身嘅。」

睇下個fans同Rose Ma玩得幾開心。(林迅景攝)

打機就梗係要搵打機界嘅明星Rose Ma講返幾句啦。Rose Ma接受《香港01》訪問時就講到:「其實日本LOL (英雄聯盟)都有一樣做法,夜晚有段時間都係會封咗個sever唔俾玩,都係用嚟防止青少年沉迷遊戲。同埋佢都唔係封好耐,佢只係喺瞓覺時間封。」Rose Ma更說,自己有玩過日服,所以才知道。她自己的朋友在LOL日服也會跟他說這個政策有點不方便。雖然如此,但是Rose Ma也覺得防沉迷系統是好的:「我覺得係好事嚟嘅,你可以話有好有唔好嘅。唔好嘅咪係少玩咗啲玩家就會課金少咗,個開發商就賺少咗。好事嘅係手機遊戲少玩咗,玩嘅個幾個鐘可以用嚟休息。」

不過講到尾,係香港都唔係每個人玩王者榮耀,而玩家中不足13歲嘅有幾多呢?所以,呢次大陸政府個政策對星斗市民影響有幾多就心照不宣啦。(呢隻冇得玩咪玩其他game囉)

打機除咗娛樂自己,其實都可以作為一個職業嘅。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。