鍾嘉欣忽然現身TVB 為復出鋪路接拍《再創世紀》？
撰文：溫菁莉
出版：更新：
去年榮升媽咪嘅鍾嘉欣，生完囡囡Kelly後間中都會旋風式回港出席活動賺下外快，賺完就即刻飛返溫哥華繼續湊女。昨日她又再返香港出席活動，但今次就唔即刻飛返加國湊女，反而就返娘家TVB仲上載照片到IG，叫粉絲估下佢返去做咩！
王君馨將於今個星期二於香港擺酒，到時又會出現「最靚姊妹團」了。
其實去年就不時傳出鍾嘉欣復出的消息，但就只聞樓梯響。而早前她回港時就為《溏心風暴3》錄歌，似乎為復出鋪路。近日更傳嘉欣落實拍攝TVB重頭劇《再創世紀》，與郭晉安、楊怡等人合作。今次嘉欣仲返到TVB，睇嚟拍劇嘅事係真喎!講返重頭劇《再創世紀》是TVB與愛奇藝合拍的劇集，製作費過億兼拍攝期長達一年，都幾罕見。但如果嘉欣返港拍劇，咁咪無得見寶貝女Kelly？據知，今次《再創世紀》劇組會到溫哥華取景一個月，咁嘅條件當然完全啱哂嘉欣，又可以湊女同照顧老公。
另外，今個星期二將是嘉欣嘅好姊妹王君馨於香港補擺酒嘅大日子，上月中苟芸慧同岑麗香就缺席去唔到，只有李亞男同嘉欣上月中亦有親赴美國見證對方的婚禮，今個星期二處女黨就終於齊腳，相信到時又會出現「最靚姊妹團」！