動物傳心術真係得？ 呂慧儀：都係揾獸醫穩陣
撰文：林通賢
出版：更新：
呂慧儀一向愛動物，同愛貓tiger關係超好，經常合照放上facebook。
有線《新聞刺針》最近播出【動物傳心得唔得?】，該片的記者拿了一隻龜（名字：布歐）的相片，訪問了全港最出名的５位動物傳心師，表示布歐走失了，希望傳心師解讀布歐的心態，及現時去了那裏，結果五位大師各表述對布歐的猜度，有的說它想散心、有人說它對屋企的報紙油墨味好好抗拒，更有些說它愛自由。。。。不過最令人驚訝的是原來布歐是記者在淘寶買回來，價值２２蚊人民幣的膠龜。無生命，難明五位動物傳心師，點可以同死物溝通。
呂慧儀出名愛動物，她覺得不少人視動物為家人，如果有心人用來利用賺錢，是不要得的行為。
不少網友看了片段後都覺得那些動物傳心師呃人，更覺得對一些真心想和動物溝通的主人不公平，藝人呂慧儀出名愛動物，她視愛貓Tiger如家人一樣，她說：「我本身係相信嘅，但如果攞呢樣嘢呃人好衰囉，真係好衰呀，因為好多人當寵物係屋企人，我覺得起碼都要對住隻動物先啦，雖然我都相信有人有超自然力量，但應該就唔係好多人喇，同埋我個人本身唔係咁易信人，所以如果有啲咩事，我諗我都係揾獸醫穩陣啲。」呂慧儀呢個媽咪真係精明呀！