【港姐2017.多圖】12強執到正任你睇 17歲Mandy講DSE成績口窒窒

撰文:
最後更新日期:

12個港姐去影相。(林迅景攝)

2017年香港小姐最後十二強終於面世,一眾候選佳麗以黑白色服裝示人,不過啲衫嘅cutting好似麻麻,驟眼一望以為係千層蛋糕,略嫌累贅。而非戲劇經理及監製陳旭亮表示今年港姐新玩法⋯其實只是由TVB Fun變成Big Big Channel,有個港姐專區,得閒開下Live而已。至於外景則是7月26日至8月1日進行,初步暫定時台灣。

+9
+8
+7

Mandy個樣長期都keep住咁怕羞,夠晒純。(林迅景攝)

Mandy做訪問嘅時候,震都手埋。(林迅景攝)

今年港姐質素尚算平均,年齡介乎17-24歲,真係超young。其中最年輕的17歲港姐邱晴Mandy表現似乎超緊張,全程訪問表現都吞吞吐吐。身為應屆文憑試考生,Mandy提起放榜成績,都似乎面有難色,聲線微弱地說:「考得唔係咁好囉⋯」事後再次追問她考幾多分,Mandy都不太願透露。只講到:「都忙於處理大學嘅事,希望兩邊都兼顧到。」

Mandy提起自己DSE成績,個樣都幾尷尬,表情都說明咗一切。(林迅景攝)

問到高登巴打都十分睇好她,她笑言多謝他們的支持,仲話:「我細個嗰時都有上去望過吓嘅。」17歲的Mandy,目前都沒有拍拖,巴打都可以考慮下,而且Mandy都不太介意別人只著眼她的身材:「每個人都有自己嘅身材嘅,我就唔太鍾意自己有byebye肉。(條腰呢?)都ok,都有廿幾寸(係正常尺寸?)好在都幼同埋高嘅。」Mandy現在極力打泰拳減肥。事後同Mandy講唔好驚,她說:「我知呀,但我真係好緊張,都習慣緊㗎囉。」非常直率及純真。

Mandy影相時都怕怕羞羞,問佢:「你唔會影啲女神相㗎咩?」佢話:「平時都係我阿媽幫我影。」真係貌似好乖乖女。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。