【香港書展2017】Lilian Kan出新書不只賣樣:有好多自己內心聲音

撰文:
最後更新日期:

不知不覺又到書展的時候,相信各位已經準備充足(無論是身體上或是金錢上)。除了各種小說工具書外,更有受它宅男歡迎的寫真。在這麼多本寫真當中,Lilian Kan簡幗儀的比較特別,因為是散文寫真的型式。除了大家都喜歡的靚人靚相外,更加有設計師簡幗儀(Lilian Kan)親手撰寫的文章。

Lilian今次啲相真係女人咗好多。

當然呢本書,同以住2本會有少少唔同啦。Lilian接受《香港01》訪問時提到今次去了法國巴黎取景:「今次本書喺巴黎影,取景地方都同之前有啲唔同。而今次會係影得成熟啲,多少少女人味。我覺得第一本好明顯係比較甜美可愛,第二本就加入咗少少其他嘅感覺,呢一本我就覺得係有女人味啲,但係又保留返自己風格。」
當然這本書除吸引男性讀者外,亦都很受女性讀者歡迎,所以Lilian無論在文字上或相片都花了很多心機:「因為平日工作好多,所以每日做完所有工作之後,例如去到夜晚11點先開始寫,再寫幾個鐘到2、3點。雖然休息時間少咗,但係我都好享受。」

今次巴黎取景,Lilian話同攝影師玩得好開心。

Lilian表示:「《This is Lilian ,free 》呢本書其實賞心悅目之餘,都幾心靈雞湯。講好多我自己經歷之外,仲會比較上親密少少,會有一啲我自己好內心嘅聲音。一啲我只係會同好親密嘅人講嘅嘢,我都會寫。」她希望讀者可以放鬆的去享受她這一本書:「其實啲文字睇落去係有治癒嘅感覺。例如我自己工作遇到好多困難,亦都好多問題要解決。我寫嘅時候都覺得好多事如果抱住一個正面嘅態度去睇的話,其實就唔會太影響自己心情。就算睇嘅時候好失落或者傷心,睇完都會cheer up少少。」

Lilian身型真係好fit。

Lilian本書受歡迎就一定啦,不過原來本書首版都只係印咗3千本:「當然我期望本書賣得越多越好,如果首版賣曬的話我應該會好開心囉。」而Lilian仲話暫時呢幾年都未有計劃再出寫真加散文:「下次出書係一啲工具書,又或者係一啲教人整手作仔嘅書。」即係話今次唔買就可能冇下次啦……

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。