【東張西望】魏韻芝唔做律師做主持:唔想成世困喺律師樓

撰文:
最後更新日期:

魏韻芝在上週四介紹冰爽濕紙巾,令網民眼前一亮。

上週四《東張西望》介紹時下降温用品,冰凍濕紙巾、散熱噴霧等,知識絕對增長了,但網民比較留意那位身穿藍色吊帶的女主持,尤其用濕紙巾抺汗、散發著青春氣色,令網民印象難忘,有人更留言想知這位美女主持是誰,其實她是上年港姐之一魏韻芝Joyce,在倫敦政治經濟學院法律系畢業,選港姐前當了兩年見習事務律師,更拿了律師牌,眾所週知,律師收入高又穩定(雖然林作經常話做律師揾唔到錢),但Joyce最想賺到的是人生經歷,錢不是第一目標,她接受《香港01》訪問時說:「做律師朝九晚八喺寫字樓,你喺法律知識的確好豐富,但個人成長唔會咁豐富囉,不過做咩都係自己受返,對住四塊牆好悶,但揾到好多錢,但而家我揀啲interesting嘅工作,每日有新鮮感,但收入會好低囉,但我呢一年由選港姐到而家我學到好多嘢,我覺得好值得。」

魏韻芝拿了律師牌,第一件事去做是去跳傘,她表示享受不同經歷。

魏韻芝做律師,是因為媽媽的意願,她做到了,但她希望體驗不同人生,所以在見習事務律師期間,儲了一些錢,她說:「出咗嚟做嘢之後,我冇問過屋企攞過喇,我揀選港姐,而家做主播,我知收入冇得同以前比較,所以我見習期間好慳,其實真係好慳,所以儲咗一啲錢,好彩而家都未駛哂。」

魏韻芝選港姐期間認識了不少好朋友,她和劉穎璇及單文柔經常一齊行街。

去英國讀書、又做過見習事務律師,魏韻芝有錢女形象感覺搣唔甩一樣,一定會以為她滿身名牌,她說:「我真係唔係大家咁諗㗎,當我有返工之後,我冇問過屋企攞過錢,我唯一買過嘅名牌袋,就係送俾阿媽49歲生日嘅禮物,當然佢之後有借我用啦,我決定唔做事務律師前,我慳咗一啲錢,用來應付我選港姐之後嘅生活,好彩而家都未用哂,如果我而家仲做緊律師、我可能可以買多6個名牌手袋,但我唔需要,我需要嘅係買唔到嘅經歷。」致於那條好吸引網民的藍色吊帶裙,原來是Forever 21。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。