樂瞳30歲第一次出寫真 離開無綫後重新出發

撰文:林迅景
出版:更新:

踏入七月份,大家最期待的寫真展……唔係,書展先啱,又跟大家見面喇。除了李彩華、夏蕙BB、Lilian Kan等等之外,連剛剛離開無綫的樂瞳都加入成為一份子。其實樂曈早前在接受傳媒訪問時已經說過會在8月中推出寫真,當時她說因為要去美國洛杉磯過生日,因此趕不及在書展期間推出寫真。不過今次都會在書展先派預售卷,夠晒誠意,明天還會開記者會做宣傳。

係咪睇到都想買返本呢?(網上圖片)

望望張海報,用三點式做招徠,將佢惹火的身材表露無遺。早排她透露其實一早已經計劃出寫真,不過人在無綫身不由己,怕尺度太大公司不批准,咁講唔通今次個尺度會好大?其實樂瞳雖然已經三十歲,不過依然keep得好好,兼且她自幼一張童顏臉,今次還大騷身材,相信都有不少人會支持。她早前離開無綫後,接受《香港01》訪問時說過:「我會再比3年限期自己,3年後我想成家立室,如果3年後我事業冇起色我會選擇轉行。」今次可謂她另一個人生的第一步,希望佢成功喇!

出寫真只係第一步,唔知下一步會點呢?(樂瞳Facebook)
+10