【多圖.慎入】夏蕙BB計劃明年出寫真 尺度最盡露膊頭?

撰文:郭敏玲
出版:更新:

「夏天為大地帶來寫真…」一向形象百變的黃夏蕙多次心郁想出寫真,但一直都未有時間落實。最近夏蕙BB聯同契女艾美琦出席活動,就透露「時機成熟」!這個消息實是本地寫真界近來最大衝撃!據知兩人的寫真將會以中國神話式做主題,本來打算在今年書展推出,可是因為光是討論寫真內容,已花了不少時間,所以就需要推遲到明年書展推出。

夏蕙BB出寫真,大家期唔期待?(視覺中國)

咁點解會出寫真呢?《香港01》就問到夏蕙BB契女艾美琦,她說:「佢(夏蕙BB)嘅契仔就出錢,我之前都有出開寫真,契媽又有出過自傳,咁見到契媽一生人就差咁本寫真,好想幫佢出一本書,入面有好多佢嘅靚相咁。」寫真主題就以中國神話為主,艾美琦表示:「因為中國神話入面有好多人物,都係契媽都能夠Carry到,因為佢之前都有扮演過類似嘅人物,係得佢先做到個神髓出嚟。」至於會扮演甚麼人物?初步就構思了幾個人物,都會有女扮男裝,其中兩個角色就是妲己和紂王。

就咁睇都知夏蕙BB身材好!(視覺中國)

這本寫真初步定位為不會賣弄性感,只不過扮得妲己,性感是常識吧!艾美琦就強調夏蕙BB要性感都係行健康路線,最盡最盡只是露膊,還有微微露出事業線,她說:「契媽唔行性感㗎!或者Key我個背落佢到,等佢露下玉背囉!但係佢身材好好,胸又大,三圍仲係少女三圍嚟!所以都要再傾下會係點。」除了中國神話人物,還有機會扮埋瑪麗蓮夢露!唔知大家又想唔想睇呢?為咗畀大家望梅止渴,一於重溫一下夏蕙BB的經典造型。

+4