蕭敬騰單挑林書豪輕鬆得分 真籃神大讚：很會打、速度很快！
撰文：李妍樺
出版：更新：
講起藝人同NBA球星打波，大家可能只會諗起我們香港的球王Fisherman Lok（余文樂），又或者是他在「橫洲工業」的隊友周柏豪，但其實台灣歌王蕭敬騰打波都好厲害，雖然佢外表睇落有啲宅，但其實老蕭是一個籃球迷，除了平日會落街打波之外，仲會儲NBA球星figure同波鞋，就算之前打波跌親搞到腦震盪，佢都依舊繼續打波。
老蕭平時一得閒就會去打波。（網上圖片）
+6
尋日Adidas搞活動找了老蕭同NBA籃網的球星林書豪各自組隊比賽，林書豪仲叫埋細佬林書緯一齊落場，林書豪都算係讓賽，等到下半場才落場，但讓咗半臂都依然帶領球隊以81：62擊敗老蕭的喜鵲籃球隊，林書豪成場都好似明星表演賽咁，又block shot，又反手上籃、單手爆樽。事後林書豪都好謙虛咁係咁讚老蕭：「蕭敬騰很會打、速度很快，比我想像中打的還好。」而細佬林書緯就讚老蕭好似Iverson咁好難防守，太誇張喇細佬你！
林書豪同蕭敬騰鬥波。（網上圖片）
+10
蕭敬騰都有返幾手！（網上圖片）
美籍華裔球星林書豪自參加2010年NBA選秀之後，一直備受關注，New York Knicks係佢最顛峰時期，單場比賽得分38分，成績僅次姚明，帶起過一段「Linsanity」瘋潮。可惜之後佢半月板撕裂，職業生涯開始走下坡，曾經轉會到湖人隊同黃蜂隊，現係是籃網嘅首發球員，加盟NBA已經7年，被問到佢會唔會要求另一伴都識打波呢，佢竟然話希望另一伴係唔鍾意打波：他林書豪說：「我希望我的另一半不愛打籃球，因為通常我工作完回家，我不希望她是我的教練。她一定要愛神，還要謙卑、愛照顧人。」真係估你唔到！
林書豪依家喺網隊打緊。（網上圖片）