同Red Velvet一齊飲 韓國好玩飲管可以重複再用
撰文：鄺鈺瑩
出版：更新：
自從一段有心人為一隻海龜拔出鼻孔堵塞異物，發現異物竟是一根約10厘米長飲管的片段在網絡傳播後，讓人意識到海洋垃圾的禍害，環保運動從棄用一根飲管做起。
而韓國飲品牌子Binggrae（빙그레）卻從飲管花款着眼，讓人用完不會捨棄。話說Binggrae的韓國香蕉牛奶向來都有唔少粉絲，年初推出的咖啡奶亦大受歡迎。不過要知道，韓國的飲品種類凡多，要吸客真係要諗諗計，Binggrae日前推出雙人心形吸管、吊鹽水吸管以及man爆粗吸管。原價5900韓幣（約港幣$41），現售3900韓幣（約港幣$27），一次買齊三款只需12900韓幣（約港幣$89）。而呢幾款吸管都可以重複使用，夠晒環保。
雙人心形吸管兩端的飲管相距9cm，除了適合情侶使用之外，女團Red Velvet日前在綜藝節目《認識的哥哥》上，成員Wendy亦有孖住Yeri一齊用。(網上圖片)
至於狀似吊鹽水的吸管，一睇就知係懶人恩物，全長1.7M，無論係攤喺床式且或玩手機時都絕對一流。
Irene手上呢款不鏽鋼吸管直徑1.2cm，並設有45度轉灣位。買嘅時候，仲會附送一支細擦用作清潔。
其實於Binggrae的廣告短片中，仲有層層疊吸管（盤），不過，呢款就暫時未見有得賣。