【書展2017．街訪】去書展未必係為嫩模 買旅行書都係重點
撰文：溫菁莉
出版：更新：
原來今年書展主題係旅遊，你又知唔知呢？（郭敏玲攝）
話咁快一年容易又書展，今日係第一日唔洗講當然係人頭湧湧喇。唔知係咪要迎合港人最喜愛嘅嘢呢，所以今年書展係以「旅遊」為主題。但現場所見，各大出版社還是以流行讀物放在當眼位置，要買旅遊書嘅市民就要睇下地圖搵專門出旅遊書嘅出版社喇！
連海外婚禮旅遊書都有，準備到外地結婚嘅新人可以考慮下！(郭敏玲攝)
《香港01》就特意搵咗兩間專門出旅遊書嘅出版商做訪問，他們都不約而同話今日銷情最好係「日本」及「台灣」嘅書藉，仲話銷量好過上年，買書嘅市民幾乎都掃兩本先肯走。原來今年嘅旅遊書亦多咗一個主題就係「海外婚禮」，出版商負責人表示知道有好多香港人近年都喜歡到外地舉行婚禮，所以今年特別加設「海外婚禮」，認真有諗頭！
莫小姐覺得旅遊書資料有啲out，所以平時去旅行都唔會買。
另外，我們亦找了幾位市民做訪問，有部分市民都知道今年書展亦「旅遊」為主題，但今次到書展都不是為旅遊書而來。基本上他們都認為現時已經不再需要買旅遊書，逛書展都係想睇下有無自己喜愛嘅作家書藉，不會因為今年用「旅遊」為主題就去買。其中莫小姐表示寧願上網睇youtuber嘅介紹，「因為去旅行已經有一筆錢要出，如果再買書就太浪費，而且睇youtuber嘅介紹資料會新過旅遊書。」