【練肌做藝人】陳法拉前夫同袁偉豪撞樣 薛世恒：我哋演兄弟一流
撰文：林通賢
出版：更新：
薜世恒當年為陳法拉老公比較低調，而家轉做幕前，瘦咗身即刻靚仔哂，還經常自拍擺上ig。
陳法拉前夫薛世恒（Daniel）以往一直很低調，就算當年和法拉一起，都很少公開露面，不過近半年在社交網絡相當活躍，經常chok爆自拍，又瘋狂練大隻，原來最近簽了北京經理人公司星邦美納，入行做藝人，更會先在國內發展，雖然薛世恒貴為Neway太子爺身家10億，但入行是認真決定，據知已修讀國內及香港的演戲課程，而外形亦比以前清減了不少，由外到內都準備好當演員。
薛世恒有時仲chok過袁偉豪。
而他首個演出是國內電影《十噸刺客》，戲內是一個小角色，這個演出機會，是由戲中主角蔡少芬及張晉將他介紹給導演劉鎮偉，太子爺肯由低做起，看來誠意都足夠，而薛世恒除了是陳法拉前夫外，暫時最多人談論是他的樣子和袁偉豪相當相似，似樣程度十足親生兄弟，連他自己都覺得似，他接受《香港01》訪問時說：「其實我是可以做袁偉豪背面的替身㗎，或者演兄弟一流，哈哈，不過我都唔知有咩可以講住，因為而家自己未做到任何成績出嚟，希望可以快啲啦。」看來薛生暫時未習慣做訪問。
袁偉豪（右）、薛世恒唔止似樣，更經常相約玩電單車。
薛世恒一心入娛樂圈，好友袁偉豪亦讚好，更表示想和他一齊演兄弟，他說：「佢入行我梗係歡迎啦，最好搵我哋做孖生兄弟，又或者佢拍動作戲要替身的話，我哋大家可以互相幫到手，（有冇問你點操大隻？）唔使啦，而家都唔興大隻，唔使操㗎喇！總之要演兄弟，要似樣、係我哋兩個㗎喇。」TVB真係可以諗下喎。
+7