【多圖】《開心速遞》欣欣完美身型靠勤力 邵珮詩:日日飲五青汁

撰文:林迅景
出版:更新:

眨眼之間又到夏天,每個人都希望自己有個amazing summer。當然最直接的方法就出海玩水以及曬太陽,過返個熱辣辣又開心的暑假。2014年香港小姐冠軍邵珮詩,日前為TVB明珠台拍攝節目時,就藉住休息的時候拍下了自己性感的一面。

夏天真係一個美好嘅季節。

邵珮詩接受《香港01》訪問時表示:「嚟緊夏天,個個都鍾意去船P同曬太陽,所以就買咗新泳衣諗住enjoy下個好天氣同順便曬下太陽。其實你知啦,我本身都比較保守。前日拍水上電單車嘅部分,我哋女仔都著短褲同埋背心嘅。但係我哋2個女仔就想趁後生影多啲靚相,所以我哋著咗bikini影相。」相片張貼之後,不少網民都大讚邵佩詩身型非常之好,原來她對於身型方面有下過一番苦工:「特登嗰期食多啲菜,生果吖,冇食潑粉質,蔬菜生果都係任食唔嬲嘅。」

趷高腳是顯得身型修長的姿態。

邵珮詩更大方分享自己減肥 keep fit的方法:「唔好特登去畀咁多壓力自己去減肥。因為當你畀咁多壓力自己嘅時候,你反而唔會想做嗰樣嘢,而最後個身型反而會冇咁靚。所以要用輕鬆啲嘅心態,同埋轉下lifestyle嘅習慣。」心態之餘,其實飲食也十分重要,她說:「我呢排都係夜晚成日食菜同埋下午茶唔食,朝早同lunch其中一個食多啲。會食火龍果,木瓜啦 (應該對上圍有幫助嘅),仲有蘋果啦,菠蘿。我仲會自己做五青汁,我爹地都會幫手搾俾我飲。」(咁運動呢?)「每次跑步我諗都最少35-45分鐘,仲有30分鐘通常會做啲伸展活動。例如踩單車咁。」
原來keep住個身型真係咁多學問,今次真係長知識了。

夏天曬下太陽是常識吧。

邵珮詩自己在IG也說,至相片post出之後,一日之間就已經多了幾百個followers。所以她也說:「我諗今次反應咁好,我遲啲都會耐唔耐post呢啲靚相再畀大家睇下。」嗱,各位巴打識做啦,唔使我教啦掛?

+10