【賭城群英會】麥明詩熒幕初吻獻俾鴨王 埋位即咀：完全無刷牙！
撰文：溫菁莉
出版：更新：
《賭城群英會》仲有一個星期就播完，昨晚劇情就講到何浩文飾演的瀟灑哥向屠若蘭（即係麥明詩）求婚，雖然瀟灑哥只是用條橡筋做戒指，但若蘭都已經冧哂，求婚成功後，當然要kiss先完美喇。原來呢一幕就是麥明詩嘅「熒幕初吻」，她接受《香港01》訪問時見到呢幕就話，「So Funny！！但我地真係無口水交流！」
其實呢幕係蜻蜓點水咋。
如果無麥明詩，我以為自己睇緊《鴨王》。
問到何浩文好唔好咀？麥明詩就表示只是蜻蜓點水式，「其實我地真係無口水交流，就咁kiss一下。」她仲劇透之後有一幕結婚戲會再咀，「都係蜻蜓點水式，唔會好激！」提到唔少藝人每當拍嘴戲前都會做足準備，相反麥明詩就直言乜都無準備，「完全無刷牙、無漱口水、無食香口膠。」佢透露當時拍攝的時候，都見到對方無事前特別做準備，咁何浩文好唔好咀，感覺如何？她說，「咁佢都有好多拍攝親密戲嘅經驗，所以有個前輩係度，都會容易啲入戲。」
講到有網友在論壇「瘋狂洗版式」討論麥明詩嘅演技，又話把聲好煩，演技衰過中學時話劇，仲叫TVB不如安排下佢入《愛·回家之開心速遞》浸淫一下，訓練好演技先。引來咁多負評，麥明詩都話已經收到哂，仲話，「我會加油！」係咯，大家不如俾啲時間佢喇！