【港姐2017】港姐獲特別待遇？ TVB每人送一個TVBuddy 行李箱
撰文：郭敏玲
出版：更新：
12位港姐今日就要出發到台灣拍攝外景。TVB今年有特別待遇，送出特別版TVBuddy 20吋行李箱，一人一個，以員工優惠價買的話，價值三百多元。不過一個行李箱當hand carry遠遠未夠，佳麗都自備約26-28吋行李，但驟眼所見，她們用的行李箱都好平民。
今年港姐真開心呀！一人一個TVBuddy行李箱！Yeah！(郭敏玲攝)
Mandy就話護照有私隱，所以唔畀得人睇，但佢話張相唔係素顏，執咗先影。(郭敏玲攝)
至於大熱Kelly伍樂怡承認有位測量師男朋友：「我同佢感情都好穩定。（拍咗幾耐？）都兩年喇。（今日佢有冇送你機？）冇呀，因為太早，同埋我哋都好獨立㗎喇。（但離開6日唔會好掛住？）都會FaceTime嘅。」Kelly表示男友對她選港姐都充滿信心及支持。
Kelly就大方承認有個測量師男友，感情仲好穩定。(郭敏玲攝)
唔知17歲Mandy邱晴係咪少女心依然滿瀉，她帶了卡通公仔行李箱。她說：「見屋企有呢個就拎。」對比上次，Mandy多了自信，她滔滔不絕講起：「聽講台灣好熱，所以我都一定要帶防曬，（驚唔驚太熱會辛苦？）我都怕暈低啊，因為呢排我都食好少嘢。」Mandy是比較有肉地，為了穿泳裝她還特意減肥：「我都只食流質食物，唔食澱粉質，希望減到喇。」
據知今晚一班佳麗會住在台灣車站附近的酒店，聽聞好似好猛鬼？Mandy第一個反應就是瞪大眼睛問：「真係㗎？」之後她回一回神說：「都唔會太驚嘅，我都一直相信呢個世界咩都存在。（如果真係撞到咁點算？）冇㗎，惟有攬住同房Katarina 喇。」問到有冇帶《聖經》旁身，Mandy說：「真係冇諗到⋯」至於Kelly聞言笑了一笑，說：「我媽咪係Christian（基督徒），之前喺加拿大都冇話啲咩特別儀式去驅鬼。呢啲嘢都係信就有，唔信就冇，唔去諗就冇事喇。」