【港姐2017】游生袁文傑外景揀女 睇好7號雷莊𠒇：佢多嘢講咗
撰文：郭敏玲
出版：更新：
港姐外景來到第二日，12位佳麗先與袁文傑（游生）遊覽台北微風廣場，後與TVB副總經理（節目及製作）杜之克、非戲劇製作助理總經理余詠珊出席Big Big Channel台灣製作中心開幕典禮。
一班佳麗昨晚去了打邊爐，但因為keep fit關係，只能叫清湯湯底。(郭敏玲攝)
游生對住12個佳麗幾日，最睇好2號何依婷（Regina）及7號雷莊𠒇（Juliette）：「我覺得佢哋嘅表現都好出色，Juliette起初表現都係麻麻地，但係後來佢又放咗，多嘢講咗、所以都幾睇好佢。」問到游生講波叻啲定揀佳麗叻啲，他說：「二揀一呀？我覺得兩樣都咁好喎！講波有咁多場，仲多不穩定性喇，同埋我覺得自己睇佳麗好準。」
Regina（左）同Juliette（右）都被游生睇好。(郭敏玲攝)
照咁睇，Juliette （右）好似後來居上。（郭敏玲攝）
問到Regina與Juliette到游生賞識，兩人都好開心，不過Regina就好官腔，她說：「得唔得到冠軍都唔重要，最重要今次嘅經驗令我學咗好多嘢，呢啲經驗都係終生受用，至少我已經係top12喇！」而Juliette就不斷提醒自己就話：「聽到游生同老師佢哋同我講，要show off都盡可能係去show off 自己personality 嘅嘢。（驚唔驚廣東話方面會令自己輸蝕咗？）都唔會呀，呢排都係咁搵啲佳麗幫我去練。」
游生就話自己好想係big big channel都講波，同公司傾緊。（郭敏玲攝）