無綫新聞王子離巢做政治助理？ 吳璟儁：工作如常，多謝關心
撰文：林通賢
出版：更新：
在節目《講清講楚》吳景儁經常訪問官員，網友最記得他質問梁振英UGL事件。
無綫新聞主播一向入屋，梁凱寧、陳嘉欣、陳嘉倩等，在網友心目中地位等同女神，至於男主播方面，就一定以實力取勝，其中吳璟儁一向詞鋒銳利見稱，今日不少媒體指這位無綫首席主播，將會離巢加入政府部門，據知他獲政制及內地事務局局長聶德權相中，出任政制局政治助理，無綫新聞經常被人質疑其獨立性又維穩，但吳景儁主持的《講清講楚》就算係異數，對來受訪的議員及高官都毫不留手，當中以訪問梁振英最激，問他：「點解收咗５千萬唔駛交稅？」再問他「道德上、法律上有冇問題？」問題尖銳又有花生，雖然前特首的答案都是遊花園。
吳璟儁亦經常主持６點半新聞，亦會做專題故事，其實都幾忙。
除了質問梁振英今人看得痛快，吳璟儁亦深得同事歡迎，當日七警事件發生，袁志偉就報導有「拳打腳踢」字眼，鬧出過不少風波，更發生了一眾台前幕後聯署事件，而吳璟儁當時亦簽名支持。吳璟儁０６年加入無綫新聞部，中文大學政治與行政學系畢業，2010年布里斯托大學取得國際發展學碩士學位，對於被指離巢，吳璟儁以WhatsApp回覆：「不好意思，忙緊故仔、遲覆。工作如常，多謝關心。」，吳主播還忙著製作新聞故事，看來留任無綫新聞部的機會都好高，不過有人曾經都表示過n屆都唔選特首，結果大家知，講真吳景儁入政壇應該都幾好睇，有個敢言的人好難得㗎！
+1