《三個女人一個「因」》又被抽 黃智雯灰心:演員係用盡100%努力

撰文:
最後更新日期:

《三個女人一個「因」》這套劇真是多災多難,拍完差不多一年,預料今年會上映,怎料早前被十年前倉底貨的《蘭花刼》搶位播出,那時已經感到十分嘩然。到早前以為終於等到在《超時空男臣》播畢後可以出街,怎料突然殺出家燕姐的《燦爛的外母》,這套劇五月才開拍,八月就搶閘播出,皆因親子劇要食正暑假檔期,結果《三個女人一個「因」》又要讓路,出街日子遙遙無期,真是聽者唏噓!

家燕姐搶先播放,應該好開心喇!

作為該劇男主角的袁偉豪,在接受《香港01》訪問時坦然不清楚為何有這樣的安排:「依啲嘢公司安排喇,應該公司都係想擺個更幾好嘅時段播啫。我自己都希望拍作嘅作品可以快啲出街喇,始終時裝劇如果過多一兩年啲嘢就會唔update,播出嚟就無咁好睇喇。」雖然自己做男一的劇集被二段抽起,不過並未有因此而感到不開心。但其實《三個女人一個「因」》和《燦爛的外母》一樣都是時裝劇,論時效性其實都同樣迫切,《三》就拍畢了一年都未出得街,相反《燦》就即拍即出,的確令人懷疑《三》是否已經變成倉底劇。

連佢自己都想快啲播出街。(袁偉豪Instagram)

至於劇中女主角黃智雯則說:「其實我一直都無收到通知呢套劇(《三個女人一個「因」》)幾時播,所以抽唔抽起我就唔係好清楚,因為呢啲編排通常都係差唔多宣傳先知幾時播,我都無收到通知。當然想快啲播喇,呢套劇係一個好有發揮嘅角色,同埋一班演員都係用盡100%努力去完成,希望觀眾可以睇到呢套咁好睇嘅喜劇。」連劇中的人都不清楚,我們這些觀眾當然更加不知道無綫高層的想法了。

黃智雯則表示從來無收過通知。(黃智雯Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。