【動漫節2017】男同性戀cosplay美少女戰士:我鍾意男仔

撰文:
最後更新日期:

好難見唔到佢,因為Erin佢真係好高。(林迅景攝)

今年行過動漫節,好可能發現到一個「美少女戰士」cosplayer。而這位190cm高的「美少女戰士」其實是一位男扮女裝的青年。他叫蕭艾琳,現職負責在派對中扭氣球。他接受《香港01》訪問時說道,這次是他第一次以cosplay參加動漫電玩節:「美少女戰士係細個(小學)有睇過,但唔係好特別鍾意。六年級嗰陣睇返就超鍾意,到呢幾年『crystal 版』出咗,就唔得啦,一定要完成呢個cosplay夢想。二月嗰時就諗,決定今次一定要cosplay 美少女戰士,今次係我第一次cosplay,原來cosplayer係唔使錢入場㗎。」

美少女戰士天王星,完成度好高。(林迅景攝)

其實當日不少路人對於他都投有好奇的目光(包括我),但是問及他對此的反應時,他卻表示毫不在意。「其實頭先都有好多人搵我影相,仲話我cosplay美少女戰士好靚。」細問之下,其實他穿著美少女戰士到會場途中,聽過一些難聽的說話:「我搭地鐵嗰時,聽過2個女仔話:『吖,好想嘔啊。』然後我心諗,『你要嘔唔該企埋一邊。咁我真係唔係同你過世㗎嘛。你咪嘔飽佢囉。』」

pose都有美少女戰士個神髓。(林迅景攝)

大家都會好奇他的性取向。而Erin亦大方的承認自己是同性戀:「我梗係鍾意男仔啦,之前有男朋友但係而家就冇。我歡迎各位單身漢嚟溝我。條件係好人囉,唔好扭扭令令,我最憎嗰啲人。」Erin果然係敢作敢為,問到他工作上的同事或家人怎樣看待他是同性戀時,他說:「同事嘅話都冇咩特別,都一樣係咁。我平時返工都唔會掩飾我鍾意男仔呢件事。」至於家人方面,關係似乎不太好:「我宜家已經當咗我係孤兒,我冇老豆老母㗎啦。」他表示,其實是因為當初他的家人送走了他飼養已久的貓,所以才會鬧翻。而現在的名字「蕭艾琳 」其實已經是更改了的名字。

男又得,女又得。(林迅景攝)

談到之後會cosplay的造型時,Erin興奮的回答說:「唔知點解買咗呢條美少女戰士裙之後,試完就好似著上引咁,跟住就買多咗套女僕衫同水手裝(JK校服)。另外他也提到萬聖節時想穿的服飾:「我今年萬聖節諗住扮觀音或者肯肯舞嗰啲。,不過我都未肯定著邊套。」他在個人facebook也提到,動漫節第二日他也會繼續出席,有興趣見下真人的話就可以試下去野生捕獲佢啦。

+10
+10
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。