【超多星廣告】磁力王教戴氧氣罩 Mr. Bean論論盡盡教你搭飛機

撰文:何志衡
出版:更新:

搭飛機嘅時候有幾多人會睇安全指引?我就情願睇下免稅品有乜正嘢都唔睇千篇一律嘅安全指引短片嘞!之但係英國航空呢條片就真係要睇下,因為有戇豆先生(Mr Bean) Rowan Atkinson、地獄廚神Gordon Ramsay、磁力王Ian Mckellen、《X檔案》Gillian Anderson、《奇異博士》莫度Chiwetel Ejiofor同《西部世界》梅芙Thandie" Newton等等大明星,講真齋睇Mr Bean都夠啦!

地獄廚神Gordon一本正經地唸稿,但導演唔滿意,Gordon即忍唔住爆粗。
戇豆先生Rowan Atkinson想捐款,但係跌到成地散銀。
喺《奇異博士》演莫度的Chiwetel Ejiofor竟然被看成事業未有突破。

短片除咗講飛機安全之外,亦呼籲乘客捐款予貧窮兒童,而條片拍得幾好笑,講幾位明星來試鏡爭取拍攝安全指引的機會。喺《奇異博士》演莫度的Chiwetel Ejiofor被導演問有沒有演過同類影片,他答只演過劇情片,導演就說:「這可能是你演藝事業突破的機會。」Chiwetel當堂O嘴。

磁力王Ian McKellen教人戴氧氣罩,為乜搞到要食咗條線呢?就要睇NG片。
Gillian Anderson示範搭飛機時如遇到危險如何彎腰抱頭,導演大讚她姿勢正確。

做過磁力王同《魔戒》甘道夫嘅Ian McKellen就教大家戴氧氣罩、Gillian示範遇到危險時如何保護自己,最驚喜係最後出場嘅Mr Bean,依然冇對白嘅佢拿出捐款信封,但論論盡盡跌晒啲散銀,於是走嚟走去四圍執散銀,極之搞笑。

英航又另外發放嘅NG片更好笑,有人食鏍絲,有人甚至食咗張稿紙,究竟係邊個自己睇下片啦。

《西部世界》Thandie Newton叫大家使用滑梯逃走時唔好着高踭鞋,記住喇!

花絮及NG: