【Big Boys歷險記】法科師傅龍哥被上身? rap住諗咒好freestyle

撰文:
最後更新日期:

由阿Bob及謝東閔、朱智賢等人主持嘅探險節目《Big Boys歷險記》昨晚就播出第一集,竟然引來唔少觀眾收看,真係有啲意外。可惜comment不似預期,不少網友都話究竟自己一個鐘睇咗啲咩?明明係探險節目,網友就話笑到眼淚都標埋,究竟發生咩事呢?

唔少網友都話龍哥嘅喊戲,令人心痛!

有網友好有心咁,寫哂龍哥嘅符咒。

講嘅原來係節目第二部分,阿bob同一眾主持出發到經常發生交通意外嘅交通黑點幫亡靈超渡,當然要邀請奇門法科師傅人稱龍哥嘅杜慶龍師傅。唔知網友係咪睇得太多《中國有嘻哈》,就話龍哥唸符咒嘅時候都好似freestyle rap咁,仲話MC Jin有勁敵。但rap都已經不是重點超渡要有符同香先可以成事,但龍哥就話自己唔洗,直接可以同亡靈傾計。

點知龍哥作法期間被亡靈附身,邊喊邊跪係地下向節目組所有工作人員表示感激,不少觀眾話睇完片段後都覺得心好痛,仲話好少師傳係鏡頭前咁有,好有演戲嘅潛質 ,下星期一定要追咁話。真定假?娛樂最緊要囉!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。