【流行經典50年】李彩華預告開騷 稱做好歌要講緣分
撰文：陳奕熙
出版：更新：
李彩華（Rain）繼書展出寫真之後，又到TVB為節目《流行經典50年》演出，上得呢個節目都起碼要有返一兩首經典歌先得，Rain又會唱咩歌呢?Rain笑言：「《你唔愛我喇》，對於我嚟講依首應該係最經典㗎喇!」
Rain出演《流行經典50年》。(陳奕熙攝)
Rain仲話十月底將會在麥花臣開騷：「嗰到依家迷你紅館嚟㗎喇，啲場幾full啊，我哋等咗幾耐先排到十月底啊，排咗大半年喇。」好多歌手都會為開演唱會特登做新歌，Rain亦都唔例外，但她就比較想搵到一首有緣分的歌才做：「最緊要係有咁啱有一首好嘅歌，依家密謀緊有冇啲好歌，講真好歌真係難求，點解依家啲人咁鍾意翻唱，因為啲歌好聽吖嘛，搵到好歌就做，搵唔到就唔勉強。」
原來Rain都鍾意Rap，那你有Freestyle嗎?(陳奕熙攝)
提到可以再試《你唔愛我喇》這類口語歌，Rain笑言：「我呢個年紀又唔係咁啱唱呢啲歌，如果一首全新感覺就唔係咁啱，可以類似又唔會係呢種感覺，嗰時十幾廿歲就少女味重啲，撒嬌味重啲，但而家就唔得，要成熟啲有個進化版。」Rain更表示自己都好鍾意Rap和Hip pop，有機會好想試下。