娛樂圈著名的「最強繼母」廿多歲已擔當起繼母角色的Joman蔣祖曼，曾直言從未試過二人世界，對繼子視如己出。轉眼間繼子已經18歲，Joman上載母子多年來的生活片段，撰文抒發感受字字句句充滿愛意。

Joman有過一段慘烈的戀愛，前男友不斷欠債，多次出軌。在20歲出頭的時候就遇上了任職電影幕後、現在的丈夫陳卓麒，二人其後相戀，當時陳卓麒已經跟前妻育有一個兒子Day仔，之後前妻因病離世，Joman順理成章就做了Day仔的半個媽媽。20多歲就擔當起繼母的角色，像一個大孩子帶着一個小孩。

蔣祖曼在個人社交平台上載母子多年來的生活片段：「生日快樂呀Day哥！🥳咁就18歲，新嘅一頁開始啦，陪你打咗咁耐怪獸，之後就靠你自己繼續闖關啦🍀祝以後繼續陪我打機煲劇買公仔俾我玩唔好嫌我低能煩無聊。無論將來你成為一位點嘅成年人，你喺我心目中都係最好❤️加油💪🏻今日阿媽追尋理想陪你唔到，話咗要重重錫你一啖仲未錫💋呢一日特別感觸，你明嫁啦🫶🏻番屋企先再傾❤️PS: 你真係好難湊，湊死我。」