42歲「晶女郎」文凱玲（Connie）去年初與拍拖五年的圈外男友Jason結婚，雙喜臨門7月初宣布囡囡IYLA出世，產後專心湊女，未料到日前與囡囡出門遇上交通意外被追尾撞到，憶述時仍猶有餘悸。

文凱玲產女後暫別幕前，但有持續更新社交網分享近況。日前她與囡囡外出時竟遇上交通意外：「尋日坐車嘅時候發生咗小小交通意外，畀後面架車追尾，好彩當時喺個路口，兩架車車速都好慢，所以冇人受傷。啱啱睇番尋日上車之後影嘅呢張相，諗起都覺得有啲驚，慶幸只係小碰撞，慶幸我哋每次坐車都會扣上BB車上的保護扣。」