Rose Ma貼合照累粉絲被嘲　電競女神急補飛：佢哋唔係狗而係fans

一年一度動漫節話咁快說完咗啦。除了入場看figure買動漫產品買新遊戲之外，當然不少得的說是「潮拜」Rose Ma跟她合照集郵啦。之前Rose Ma已經因為美國動漫展時與外國著名gamer影「Friendzone」手勢，而令她在網上爆紅。
今次Rose Ma受PlayStation邀請擔任showgirls，雖然同期還有其他「過江龍」卡卡兒、憑果茱等台妹的「威脅」，但是似乎一點也沒有對Rose Ma的地位有絲毫動搖。根據入場人仕報稱，Rose Ma出現的最後一日，現場排隊等著與她合照的最少有100人以上，而其間出現排隊人龍，大會更需要安排工作人員舉牌指示隊尾位置。據知不少粉絲是專程去影「Friendzone」手勢。(Friendzone手勢即是一邊是心心，一邊是點讚的手勢)

經過各位粉絲(fans)的巴打絲打(brother&sister)連日來的探望及支持，Rose Ma亦跟非常多的粉絲合照。幾日下來，亦有不少粉絲將合照傳回給Rose Ma。而Rose Ma在動漫電玩節完畢後一天，集合了眾多粉絲的合照再上傳至IG story(instagram即時動態)以留個紀念。不過此舉卻引來網民不滿，並在網上開post取名「Rose Ma 公開處決動物台手足合集」。果然一開post說引來了不少網民「食花生」。

Rose Ma接受《香港01》訪問時解釋道：「點解我要post ig story，我想我啲fans知道一來我有睇你同我嘅合照。同埋有啲fans幾日都有嚟，幾日都有搵我合照。我希望『你哋知我有重視你哋，我唔係當你哋係路人。』不過件事我可能都用得唔啱，因為我冇問過佢哋得唔得。」雖然Rose Ma已經將該ig post刪除，但是似乎亦無阻網民「食花生」。其中有網民留言：「哇好狗，連人地個名都唔遮下，有個話唔好post ig都照post。」不過Rose Ma就解釋道，其實該名粉絲已經同意Rose Ma post合照。

而Rose Ma表示，她覺得網民在這件事上太斷章取義，又謂：「香港有啲人真係好搞笑。好老實地說，你可以人生攻擊我，話我大份大隻，醜樣又盛，淨係得對波，呢啲我都唔介意。但係有啲朋友都支持咗我一排，只不過係同我影相，點解要叫人哋係狗呢？點解要話人哋係兵呢？如果你追明星影相嘅，你係叫fans而唔係叫『狗』囉。」
最後Rose Ma都說，其實要對粉絲們說聲抱歉，因為這次未經同意就將合照放上Instagram。她說：「我宜家已經逐個逐個同佢哋say sorry，令到佢哋俾人點咗相。」Rose Ma其後也說：「好彩都有fans原諒我。」