【瑪嘉烈與大衛－前度】杜小喬首拍床戲好緊張：不停喪食香口膠
撰文：溫菁莉
出版：更新：
ViuTV劇集《前度》雖然有文青女神袁澧林同劉俊謙參演，但播出半個月，外界反應就好似麻麻。其實日前劇情已經講到劉俊謙飾演嘅大衛同杜小喬飾演嘅美玉開始拍拖，仲一齊去日本旅行。而昨晚的最新一集就播出了大衛同美玉床戲，原來呢嗰場口都係二人首次在螢幕上拍攝親密戲，當中杜小喬《香港01》訪問時表示拍攝前仲不停喪食香口膠，「可以辟口氣同令自己無咁緊張，未埋位已食曬成包。」
昨晚《瑪嘉烈與大衛-前度》就播出大衛與美玉嘅床戲。
+1
劉俊謙在Instagram經常上載與杜小喬嘅合照。
拍攝親密戲尷尬就一定有，加上今次是杜小喬首次拍劇更加有呢種感覺，「始終第一次拍床戲同沖涼戲。戲內我地係情侶，但戲外其實好似兄妹咁，所以都有啲怪怪嘅感覺。好彩劉俊謙係個好好嘅演員，好易令人入戲，可以一秒由兄妹變情侶。」
至於劉俊謙接受訪問時亦表示心情既緊張又忐忑，「因為未試過拍親熱戲，就算私底下同小喬稱兄道弟咁款，嗰日都好少講野。」其後仲笑言拍之前深呼吸一啖就埋位，「唉，大家都緊張嘛。到差唔多要拍，就同導演同小喬傾，一陣大概嘅流程係點，之後吸啖氣就拍啦。」