【超時空男臣】二小姐朱晨麗係好女友 唔叫男友做BB：會叫寶貝囉
撰文：林通賢
出版：更新：
何廣沛29歲生日，朱晨麗在ig送上一張「咀」相合照祝福他。
《超時空男臣》除了三妹陳偉琪外，二小姐朱晨麗亦係宅男女神之一，劇中飾演野蠻女友，要男友何廣沛叫她做「BB」，之後又要他按摩，不過現實中的朱晨麗表示不會這樣稱呼男朋友，她說：「以前到而家都好多人用BB，我又唔想同大家一樣，不過男朋友同家人叫我咩都冇所謂，但我會叫男朋友做寶貝囉，其實同BB差唔多，但BB喺香港太多人用喇，費事喺街聽到以為叫我，其實係其他人。」
何廣沛在劇中飾演小冬，亦是朱晨麗男友。
雖然朱晨麗不會叫男友做BB，不過現實中的她亦有二小姐霸氣一面，她說：「我都有少少似嘅，但唔會操控哂所有嘢囉，唔會錯咗都話自己啱嘅。」劇中何廣沛當她的男朋友，除了低聲下氣，亦要為女友按腳，不過朱晨麗就話自己都會幫男友按摩，她說：「我真係好鍾意按腳，都有試過幫屋企人按，我手勢唔錯㗎，（男友？）互按囉，哈哈....自己冇咩揀偶條件，不過唔鍾意冇良心同心地唔好嘅人。(如果乸乸地嘅男仔追妳？）現實中未試過 所以唔知呢 不過睇劇中小冬的性格做定義來追求都幾過癮，唔會覺得佢冇主見嘅，只會覺得幾得意 ，唔會唔鍾意。」
+5