【無心法師2】大奸角岳綺羅女變男具霸氣 陳瑤升呢做女主角
撰文：黃朗鈞
出版：更新：
前年爆冷大收的《無心法師》第二季即將播出，今季同樣由韓東君飾演無心，女主角就由金晨變為陳瑤，可謂身價大躍進，不過無綫就冇諗住將《無心法師》放在翡翠台播放，反而安排在myTV SUPER收費台，到時唔知無綫將好嘢收埋播的如意算盤打唔打得響。
今集陳瑤將以男裝上陣，但內裡仍然是心狠手辣的岳綺羅。（網上圖片）
劇中由李蘭迪飾演的蘇桃深愛無心。（網上圖片）
《無心法師》第二季由民國時期轉換到20年後1937年的抗戰時期，無心同第一季一樣有不老不死之身，但他沉睡了二十年，從文縣來到上海灘，與化身為小白蛇的白琉璃闖蕩江湖，而且同行仲多個傻傻地的蘇桃。雖然無心冇哂記憶，但他總覺得遇到的人都似曾相識。
由韓東君飾演的無心對蘇桃憐憫疼愛照顧，唯獨愛情無法交付。（網上圖片）
上季的大奸角岳綺羅(陳瑤飾)，今次則化身成男角丁小貓，小貓是上海黑幫老大養子，形貌俊美但說話行事總有種老謀深算，加上他與岳綺羅之間有著十分緊密的聯繫，當無心再次相遇將會是本劇的最大亮點。第一季經常出現的小紙人法術，以及繡花鞋等陰森恐怖的畫面也將再次亮相，上一部飾演顧玄武的王彥霖亦會出現，只不過今次他飾演的是顧玄武的兒子顧基，做完老豆再做仔，箇中感受惟有他知。
由陳瑤飾演的丁小貓看似弱不禁風其實霸氣十足。（網上圖片）
陳瑤今季擔正做女主角全靠第一季的岳綺羅受到關注，她更憑此獲得了2016年「金骨朵獎」網絡劇最佳女配角獎，今次陳瑤升呢做女一，唔知又有幾多觀眾被她俘虜。
+3