關之琳天價接內地真人騷：零機會拍戲　

息影多年嘅大美人關之琳，近年轉戰時裝界，不時以設計師身分與時裝品牌合作推出睡衣時裝系列，偶爾傳出關美人復出拍戲，都會被佢一一否認。戲唔拍，唔代表唔做綜藝，關美人最近就接下湖南衛視嘅真人騷《我們來了》（前身為《你是偶像》），同陳妍希、宋茜一齊做主持，做得真人騷，都預會辛苦，點解關美人會肯呢？因為有傳薪酬差不多係4,200萬港幣！係咪即時明晒？

喺北京萬里長城完成首集錄影之後，眾人昨天轉移到佛山舉行發布會，以一襲粉色旗袍式長裙現身嘅關之琳優美得很，她表示自己性格雖然慢熱，但錄影過程中受到大家感染，所以最後都豁出去一齊玩，甚至被叫「阿關」都無所謂。不過問到會否有機會復出拍戲，關之琳就好肯定咁話：「零機會，女演員到合適年齡就要停，這是對喜歡你的人負責。」之後她更表示樂於做觀眾。想見到關美人，大家都係睇《我們來了》啦。